İraqda İŞİD-in çeçen liderlərindən biri – Aslan Siqauri (əsl adı Salman Variyev) ölüb.
Avropa.onfo xəbər verir ki, Aslan Siqauri Rusiyada axtarışda idi. O, Moskva Dövlət Universitetinin binasını partlatmağa cəhddə ittiham olunur. Siqauri hətta həbsxanadan qaça bilmişdi.
Rusiya hüquq-mühafizə orqanlarından Rosbalt saytına verilən məlumata görə, Siqauri hələ 1 ay əvvəl İraqda öldürülmüşdü. Ancaq onun ölümünün sənədli sübutu yox idi. Aslan İraqın Bayci şəhərində neft emalı zavoduna hazırladığı hücumun əsas komandirlərindən biri olub. Döyüş zamanı ABŞ pilotsuz təyyarəsinin endirdiyi zərbə zamanı o, və iki mühafizəçisi qəlpə yarasından ölüb.
Siqaurinin İraqda basdırıldığı deyilir. Çeçenistanda isə qohumları onun üçün dəfn mərasimi keçirib.
