“İslam dövləti” terror təşkilatının sözçüsü Məhəmməd Adnani kürdlərlə müharibənin irq savaşı olmadığını açıqlayıb. 
Axar.az-ın xəbərinə görə, Adnani kürdlərin içində müsəlmanlara qarşı xristianlar və yəhudilər olduğunu vurğulayıb. İŞİD-in “Dabıq” adlı nəşrinin 4-cü sayında Adnani peşmərgəyə qarşı savaşa aydınlıq gətirib.
“Bizim kürdlərlə savaşımız dinlə bağlıdır. Bu, irqçi müharibə deyil. Onlar kürd olduqları üçün döyüşmürük. Bu kürdlərin arasında kafir xristianlar və yəhudilər var ki, müttəfiqdirlər. Müsəlman olan kürdlər isə qardaşımız və xalqımızdır. Biz onların qanını qurtarmaq üçün öz qanımızı tökürük. “İslam Dövləti” sıralarında çok sayda müsəlman kürd var. Onlar öz xalqının içində kafir olanlara qarşı ən sərt savaşçılardır”, – deyə Adnani bildirib.
