İspaniyanın Mülki Qvardiyası Krallığın Daxili İşlər Nazirliyinin saytındakı deyildiyi kimi, öz həmvətənlərini istismar edən ukraynalıları həbs edib. Elchi.az bu barədə Lent.ru-ya istinadən xəbər verir.
Cütlük Əndəlüs muxtariyyətinin Algeciras kəndində saxlanılıb. Onlar sosial şəbəkələr vasitəsilə ukraynalı qadınları ev işçisi kimi istifadə etmək üçün cəlb etməkdə ittiham olunurlar.
İstintaq zərərçəkmişlərdən birinin şikayətindən sonra başlayıb. Cütlük ukraynalı qadınlara İspaniyada dayə işləməyi təklif edib, lakin ölkəyə gəldikdən sonra iş şəraitinin razılaşdırılmış şərtlərdən çox fərqli olduğu ortaya çıxıb.
Daxili İşlər Nazirliyi qadınların əmək müqaviləsi olmadan işlədiyini, hətta yemək yeməyə belə vaxt verilmədiyini, daim psixoloji zorakılığa, təhdidlərə məruz qaldığını, evdən çıxmağın, hətta həmin evdə işləyən digər işçilərlə ünsiyyətin qadağan edildiyini bildirib.
Proses zamanı məlum olub ki, bu, təcrid olunmuş bir hal deyil, ər-arvad bu təcrübəni tətbiq ediblər və ən azı bir il yarım müddətində işə götürmə və istismarla məşğul olublar. Hüquq-mühafizə orqanlarının əməkdaşları oxşar rəftarla üzləşdiklərini bildirən 11 qurbanı müəyyən edib və onlarla əlaqə saxlayıblar.
Havar Şəfiyeva
