İsrail hökuməti etirazlara baxmayaraq, müharibə xərcləri üçün 8 milyard dollarlıq əlavə büdcəni təsdiqləyib.
Elchi.az xəbər verir ki, İsrail dövlət televiziyası KAN-ın xəbərinə görə, hökumətin müharibə xərcləri üçün hazırlanan əlavə büdcəyə qərar verilib.
Bildirilib ki, oktyabrın 7-dən sonra ölkədə yaradılan hərbi kabinetin üzvü, keçmiş müdafiə naziri Benni Qantz büdcəyə qarşı çıxıb.
Baş nazir Binyamin Netanyahunun rəhbərlik etdiyi Likud Partiyasından nazirlər Nir Barkat və Ofir Akunusin büdcəni dəstəkləmədikləri bildirilib.
Bu etirazlara baxmayaraq, müharibə xərclərinin maliyyələşdirilməsi üçün 30 milyard şekel (8 milyard dollar) məbləğində əlavə büdcənin təsdiq edildiyi qeyd edilib.
Şayəstə Hüseynova
