Qəzza zolağındakı hökumət daha bir fələstinli jurnalistin İsrailin bombardmanları nəticəsində öldüyünü açıqlayıb.
Elchi.az xəbər verir ki, Hökumətin Qəzzadakı Media Ofisindən verilən açıqlamada, İsrail ordusunun Qəzza zolağının mərkəzi hissələrindəki Nusayrat Qaçqınlar Düşərgəsində ailəsinin evini bombalaması nəticəsində jurnalist Hanin əl-Kaştanın həyatını itirdiyi bildirilib.
Açıqlamada qeyd olunub ki, İsrailin oktyabrın 7-dən etibarən Qəzza zolağına hücumlarında həlak olan jurnalistlərin sayı 95-ə yüksəlib.
Mətbuat ofisinin əvvəlki bəyanatında deyilirdi ki, İsrail “Fələstin hekayəsini susdurmaq, faktları gizlətmək və xəbər və məlumatların regional və beynəlxalq ictimaiyyətə çatmasına mane olmaq üçün” Qəzza zolağında jurnalistləri qəsdən öldürür.
Nuranə Məmmədova
