İsrailin Qəzza zolağının mərkəzi və cənub bölgələrinə aviazərbələri və artilleriya bombardmanları nəticəsində azı 7 fələstinli ölüb, çoxlu sayda fələstinli yaralanıb.
Elchi.az xəbər verir ki, Fələstinin rəsmi agentliyi WAFA-nın səhiyyə rəsmilərinə əsaslanaraq verdiyi xəbərə görə, İsrail döyüş təyyarələri Qəzza zolağının mərkəzi hissəsinə və Əl-Şücayyə Qaçqınlar Düşərgəsinə şiddətli hava zərbələri endirib.
Hücumlarda ən azı 7 fələstinli həyatını itirib, çoxlu sayda insan isə yaralanıb.
Döyüş təyyarələri həmçinin Qəzzanın cənubundakı Rəfah şəhərinin müxtəlif yerlərində şiddətli hücumlarda evləri, obyektləri, kənd təsərrüfatı sahələrini və Küveyt xəstəxanasının ətrafını hədəf alıb. İsrail həmçinin Qəzzanın mərkəzi hissəsindəki Nusayrat Qaçqınlar Düşərgəsinin şimalına 2 hava zərbəsi endirib.
Nuranə Məmmədova






