İsraildə işləyən və işğal altındakı İordan çayının qərb sahilinə deportasiya edilən Qəzzalı işçilərdən 35-i nəzarətə alındı.
Elchi.az xəbər verir ki, Fələstin Azadlıq Təşkilatının Əsir İşləri Komitəsindən verilən yazılı açıqlamaya görə, İsrail qüvvələri İordan çayının qərb sahilinə deportasiya edilən Qəzza işçilərinin qaldığı Hebrondakı məktəbə basqın edib.
İsrail qüvvələri Qəzzadan gələn 35 işçini saxlayıb.
Açıqlamada İsrailin oktyabrın 7-dən bu yana ölkədə çalışan yüzlərlə Qəzzalı işçini İordan çayının qərb sahilinə deportasiya etdiyi, İordan çayının qərb sahilində nəzarətə alınan fələstinlilərin sayının isə 680-ə yüksəldiyi qeyd edilib.
Qəzzadakı Fələstin Əmək Nazirliyinin məlumatına görə, İsraildə işləmək icazəsi olan təxminən 18500 fələstinli var.
Şayəstə Hüseynova
