İsrailin blokada altındakı Qəzza zolağına həyata keçirdiyi hücumlarda həyatını itirənlərin sayı 25-ə yüksəlib.
Elchi.az xəbər verir ki, İsrailin hücumları nəticəsində həyatını itirən və yaralananlarla bağlı Qəzzada Səhiyyə Nazirliyindən yazılı açıqlama verilib.
Açıqlamaya görə, İsrail ordusunun mayın 9-u çərşənbə axşamından etibarən Qəzzaya qarşı həyata keçirdiyi hücumlarda həyatını itirən fələstinlilərin sayı 25-ə, yaralıların sayı isə 76-ya yüksəlib.
İslami Cihad Hərəkatının hərbi qanadı Əl-Qüds Seriyyes verdiyi yazılı açıqlamada raket bölməsinə rəhbərlik edən Əli Həsən Qalinin İsrailin hücumu nəticəsində öldürüldüyünü təsdiqləyib.
Hərəkat daha əvvəl İsrailin hücumları nəticəsində üç yüksək rütbəli hərbçinin öldürüldüyünü açıqlamışdı.
Qəzzadakı səhiyyə mənbələri çərşənbə axşamından bəri İsrailin Qəzza zolağına həyata keçirdiyi hava hücumlarında aralarında qadın və uşaqların da olduğu 21 nəfərin öldüyünü, 64 nəfərin isə yaralandığını açıqlayıb.
Şayəstə Hüseynova
