Suriyanın şimalında yerləşən Hələb beynəlxalq hava limanı İsrailin hava hücumu nəticəsində sıradan çıxıb. Elchi.az xəbər verir ki, bu barədə “Əl-İxbariyyə” telekanalı Suriya Müdafiə Nazirliyinə istinadən məlumat yayıb.
Məlumata görə, İsrail Latakiyanın qərbində Aralıq dənizindən Hələb beynəlxalq hava limanına qarşı hava təcavüzü edib. Hücum nəticəsində uçuş-enmə zolağı dağıdılıb.
Qeyd olunur ki, bu, İsrailin 2023-cü ilin əvvəlindən Suriya ərazisinə endirdiyi 22-ci zərbədir.
Bundan əvvəl Suriyanın şimal-şərqində Türkiyəyə məxsus pilotsuz uçan aparat JinTV qadın telekanalının jurnalistlərini aparan avtomobili vurub. Hadisə avqustun 22-də baş verib. Pilotsuz təyyarənin endirilməsi nəticəsində sürücü həyatla bir araya sığmayan xəsarətlər alıb, iki jurnalist xəsarət alıb, daha sonra xəstəxanaya yerləşdiriliblər.
Havar Şəfiyeva
