Finance.walla: İsrail böyük biznes uğursuzluqları riski altındadır.
Elchi.az xəbər verir ki, kreditlər üzrə faiz dərəcələrinin artırılması və ərzaq məhsullarının qiymətinin artması İsrail iqtisadiyyatı üçün mənfi nəticələrə gətirib çıxara bilər ki, onlar ölkədə payı 99,5%-ə bərabər olan kiçik və orta müəssisələrin müflisləşmə dalğası ilə üzləşə bilər, bu barədə “Finance.walla” sənaye bazarı iştirakçılarına istinadən yazır.
Bildirilir ki, hazırda İsraildə 320 minə yaxın kiçik və orta müəssisə var və İsrail iqtisadiyyatının müəyyən sektorları, o cümlədən daşınmaz əmlak, qida emalı, yüksək texnologiyalar və digərləri iflasa uğramaq riski ilə üzləşə bilər. Qeyd olunur ki, nəinki kiçik, hətta iri müəssisələr də müflisləşmə riskinə məruz qalır.
İflas üzrə hüquqşünas Şai Bar-Nir, bir çox İsrail şirkətlərinin 2022-ci ildə çətin vəziyyətə düşdüyünü, bir çoxunun koronavirus dövründə onlara verilən vəsaitləri geri qaytarmağa başlamasının tələb olunduğunu söyləyib.
“Məsələn, bəzi şirkətlər də xarici bank krediti hesabına maliyyələşiblər ki, bu da son aylarda faiz dərəcələrinin artması və nağd pul çatışmazlığının artması səbəbindən bahalaşıb”, – deyə mütəxəssis bildirib.
Hüquq məsləhətçisi İsrael Beçer bildirib ki, hazırda İsraildə kiçik bizneslər böyüklərdən daha çox risk altındadır. Onun fikrincə, hər hansı kiçik şok onların iflası üçün ilkin şərt ola bilər.
Şayəstə Hüseynova
