İsrailin müdafiə naziri Yoav Gallant ABŞ Konqresinin Senat çoxluğunun lideri Çarlz Şumer və ölkəyə səfər edən bəzi amerikalı senatorlarla görüşüb.
Elchi.az xəbər verir ki, İsrail Müdafiə Nazirliyinin verdiyi açıqlamaya görə, nazir Gallant Şumer və ölkəyə gələn senatorlar Ceklin Rozen, Mitt Romni, Mark Kelli və Uilyam Kessidi qəbul edib.
Görüşdə amerikalı senatorlara İsrail-Fələstin münaqişəsi ilə bağlı məlumat verən Gallant, “ABŞ-ın dəstəyi və İsrailin hərbi gücündən ibarət kritik birliyin qorunub saxlanmalı olduğunu” deyib.
Gallant senatorlara “oğurlanmış mülki insanlara işgəncə verildiyini və HƏMAS-ın fələstinlilərin təxliyyəsinə mane olduğunu” iddia etdiyi görüntüləri göstərdi.
Nuranə Məmmədova
