İsrailin Qəzza zolağının şimalındakı Əl-Faxura məktəbinə raket zərbələri nəticəsində 200-ə yaxın adam həlak olub.
Elchi.az xəbər verir ki, bu barədə Əl-Cəzirə telekanalı məlumat yayıb.
Məktəb Qəzzanın şimalındakı Cəbəliyə qaçqın düşərgəsində yerləşir. O, Birləşmiş Millətlər Təşkilatının Fələstin Qaçqınları üzrə Agentliyi (UNRWA) tərəfindən idarə olunur .
Qəzzadan xəbər verən Əl-Cəzirə müxbiri Tarek Abu Azzoum, “Hər yerdə cəsədlər var və tibbi qruplar yaralıları təxliyə etməyə çalışır”-deyib.
O qeyd edib ki, İsrailin davam edən hava hücumları səbəbindən bir çox fələstinli BMT-nin nəzarətində olan məktəblərə sığınmaq məcburiyyətində qalıb. Bu, Əl-Fəxur məktəbində baş verdi. Çoxlarının səhhətində problem olan mülki şəxslər zorakılıqdan sığınacaq tapa biləcəklərini düşünürdülər.
“Ancaq İsrail ordusu, deyəsən, bir mesaj verir: Qəzza zolağının cənubuna qaçın”, – Tarek Abu Azzoum deyib.
Cəbəliyyə qaçqın düşərgəsi həftələrdir ki, İsrailin hücumlarının hədəfi olub, çünki İDF-in məlumatına görə , burada fələstinli yaraqlılar yaşayır. BMT və bir çox ölkələrin qınaqlarına baxmayaraq düşərgənin bombalanması davam edir.
Nuranə Məmmədova
