İsrailin Qəzzaya təşkil etdiyi hücumlarda həyatını itirən fələstinlilərin sayı son 10 gündə 1070 artaraq 29 min 410, yaralıların sayı isə 69 min 465-ə çatıb.
Elchi.az xəbər verir ki, Fələstin Səhiyyə Nazirliyinin Qəzzada verdiyi açıqlamada İsrailin 139 gündür həyata keçirdiyi hücumlarla bağlı məlumat verilib.
İsrailin son 24 saat ərzində həyata keçirdiyi hücumlarda 97 nəfərin həyatını itirdiyi, 132 nəfərin yaralandığı bildirilib.
Buna görə də İsrail son 10 gündə Qəzzada 1070 fələstinlini qətlə yetirib.
Oktyabrın 7-dən etibarən Qəzza zolağında həlak olan fələstinlilərin sayı 29 min 410, yaralıların sayı isə 69 min 465-ə yüksəlib.
Nuranə Məmmədova
