İsveçrə Milli Bankı (SNB) kapital bazarlarındakı yüksək dalğalanmalar səbəbindən ötən il 132 milyard İsveçrə frankı (143 milyard dollar) zərər gördüyünü açıqlayıb.
Elchi.az xəbər verir ki, bu barədə İMB-nin verdiyi açıqlamada Bankın valyuta və kapital bazarlarındakı yüksək dalğalanmalar səbəbindən ötən il 132 milyard İsveçrə frankı (143 milyard dollar) itirdiyi bildirilib. Sözügedən rəqəmin İMB -nin 115 illik tarixində ən böyük itki olması diqqət çəkib.
Səhmlər və sabit gəlirli bazarlar onun səhm və istiqraz portfelinin dəyərini itirdiyi üçün SNB zərərə çevrilmiş, İsveçrə frankının bahalaşması da Bankın gəlirlərinə mənfi təsir göstərmişdir.
Son zamanlar inflyasiya ilə mübarizə aparmaq üçün faiz dərəcələrini artıran SNB-nin valyuta mövqelərinin itkisi 131 milyard İsveçrə frankı təşkil edib. Bankın qızıl mövqeyi 400 milyon İsveçrə frankı artıb.
Bank 2021-ci ildə 26 milyard İsveçrə frankı qazanacağını açıqlayıb və 6 milyard İsveçrə frankı dividend paylayıb.
Şayəstə
