“Sonntags Zeitung” qəzeti yazır ki, İsveçrənin “Credit Suisse” bankı Rusiya aktivlərinin 19 milyard dollardan çoxunu (17,6 milyard İsveçrə frankı) bloklayıb ki, bu da İsveçrədə bəyan edilən Rusiya aktivlərinin üçdə birini təşkil edir.
Elchi.az xəbər verir ki, bank tərəfindən bloklanan pulların yalnız 4,32 milyardı əvvəllər İsveçrə hakimiyyəti tərəfindən müəyyən edilmiş sanksiyalar siyahısına daxil edilmiş şəxslərə məxsusdur.
Qalan 14,7 milyard dollar isə digər ölkələrdə sanksiyalara məruz qalan şəxslərə aiddir.
Bundan əlavə, “Credit Suisse” Rusiya Federasiyası Mərkəzi Bankının vəsaitlərini dondurub. Qeyd olunur ki, İsveçrə bankının sanksiyalarına məruz qalan şəxslər siyahısına rusiyalı biznesmen və milyarder Viktor Vekselberq də daxil edilib.
Yeganə
