Avropa İttifaqı güclü, vahid Avropa ordusu yaratmalıdır. Elchi.az xəbər verir ki, bu barədə İtaliyanın xarici işlər naziri Antonio Tajani “La Stampa” nəşrinə müsahibəsində bildirib.
Tajani vurğulayıb ki, sülhün qorunması və effektiv xarici siyasət üçün Aİ-nin vahid silahlı qüvvələrinə ehtiyac var.
“ABŞ, Çin, Hindistan, Rusiya kimi ağır çəkilərin olduğu, Yaxın Şərq və Hind-Sakit Okean regionunda yaşadığımız kimi böhranların yaşandığı bir dünyada İtaliya, Almaniya, Fransa və ya Sloveniya vətəndaşlarını yalnız bir təşkilat qoruya bilər. bu artıq mövcuddur və o Avropa Birliyidir”, – diplomat bildirib.
XİN rəhbəri əlavə edib ki, vahid Avropa ordusu hücum hərəkətləri üçün deyil, Aİ-yə üzv ölkələrin qoşunlarını saxlamaq və koordinasiya etmək üçün lazımdır.
Havar Şəfiyeva
