Atlantik okeanında itən “OceanGate” sualtı şirkəti sualtı qayıqda olan 5 nəfərin öldüyünü açıqlayıb.
Elchi.az xəbər verir ki, Atlantik okeanında itən “Titan” sualtı qayığının şirkəti “OceanGate Expeditions”-dan verilən açıqlamada sualtı qayıqda olan 5 nəfərin öldüyü bildirilib. Bəyanatda həyatını itirənlərin ailələrinə başsağlığı verilərək, “Bu insanlar fərqli macəra ruhu və dünya okeanlarını kəşf etmək üçün dərin ehtirası olan əsl kəşfiyyatçılar idi”,-deyilib. ABŞ Sahil Mühafizəsi tərəfindən verilən açıqlamada, sualtı qayıqda olan 5 nəfərin öldüyü təsdiqləndiyi, axtarış-xilasetmə işləri çərçivəsində kəşf edilən dağıntı bölgəsində sualtı qayığın fəlakətli şəkildə partlamış ola biləcəyi ifadə edilib.
Nuranə Məmmədova
