Bu sözləri Rusiya Liberal-Demokrat Partiyasının lideri Vladimir Jirinovski deyib. Jirinovskinin bəyanatını LDPR-in saytı yayıb.

Rusiyalı siyasətçi bildirib ki, Rusiya ilə tarixən yaxşı münasibətlər Ermənistanın geosiyasi mövqeyi ilə bağlıdır. “Ermənistan risk zonasında yerləşir: qonşuluqda İran, Türkiyə və İsrail (?!-red) var”- Jirinovski bildirib.

LDPR lideri deyib ki, bu gün regionun ən ağrılı məsələsi Dağlıq Qarabağdır.

“Rusiyanın ordunun gücü ilə müdaxilə etmək üçün heç bir əsası yoxdur, ancaq qan axıdılmasını istisna etmək üçün Ermənistan və Azərbaycanla anlaşma əsasında regiona sülhməramlı kontingent yeridilə bilər. Hərçənd ki, kənar müdaxilə və təxribat riski həmişə var, Abxaziyada olduğu kimi”- Jirinovski əlavə edib.

Onun fikrincə, keçmiş sovet düşərgəsində antirusiya əhval-ruhiyyəsini qızışdıran baş təxribatçı ABŞ-dır.

Jirinovski Ermənistanı öz taleyini müstəqil müəyyən etməyə çağırıb, ancaq xəbərdarlıq edib ki, Rusiyasız bu ölkə İran və Türkiyə ilə tək qalacaq.

Jirinovski “erməni soyqırımı” mövzusunda da danışıb, deyib ki, soyqırımları yad etmək üçün ümumi, beynəlxalq gün olmalıdır.

“Erməni genosidi ən böyük miqyaslı olub, bununla belə başqa xalqlar da məhv edilib: Avstriya-Macarıstanda ruslar, daha sonar yəhudilər, qaraçılar və bir çox başqaları. İndi Ukraynada rusları məhv edirlər, Yaxın Şərqdə və Afrikada xristianları dini əqidələrinə görə öldürürlər, mədəni abidələri məhv edirlər. Belə metodların kökünü birdəfəlik kəsmək lazımdır” – Jirinovski bildirib. (virtualaz.org)