Çeçenistan rəhbəri Ramzan Kadırov Teleqram kanalında biz Fələstini dəstəkləyirik və bu müharibənin əleyhinəyik deyib.
Elchi.az-ın Mk.ru-ya istinadən xəbərinə görə, Kadırov açıqlamasında müsəlman ölkələrinin liderlərinə koalisiya yaratmağı və Avropa və bütün Qərbi yaraqlıları məhv etmək bəhanəsi ilə mülki insanları bombalamamağa çağırmağı təklif edib.
Kadırovun sözlərinə görə, dünya birliyi ən azı bir dəfə Fələstindəki vəziyyətlə bağlı ədalətli qərar qəbul etməlidir.
Kadırov bildirib ki, özü də İsraildə olub: “Həmin anda dinc nümayəndə heyətimiz açıq təxribat cəhdləri ilə üzləşib”.
O, hansı təxribatın və kimdən baş verdiyini açıqlamayıb, ancaq həm müharibəni, həm də vəziyyətin gərginləşməsinin istənilən formasını dayandırmağa çağırdığını vurğulayıb:
“Lazım gələrsə, bölmələrimiz asayişi bərpa etmək və hər hansı fitnə-fəsad törədənlərə qarşı durmaq üçün sülhməramlı qüvvələr kimi fəaliyyət göstərməyə hazırdır”, – deyə Kadırov yekunlaşdırıb.
Yeganə
