Kanadanın Şimal-Qərb Əraziləri əyalətində davam edən meşə yanğınlarının Yellounayf şəhərinə yaxınlaşması səbəbindən bölgə əhalisinin təxliyyəsinə başlanılıb.
Elchi.az xəbər verir ki, alov Yellounayf şəhərindən 17 kilometr aralıda yerləşən meşəlik əraziyə çatdığı üçün əyalət rəsmiləri ərazidəki təxminən 20 min insanı təxliyə etmək qərarına gəlib.
Yellowknife şəhərində 4 yaşayış məntəqəsinin yüksək risk altında olduğunu bildirən səlahiyyətlilər, şəhər sakinlərinə cümə günü günortaya qədər bu əraziləri boşaltmaları barədə xəbərdarlıq edib.
Məlumat verilib ki, quru yolu ilə təxliyyə etmək imkanı olmayan və ya səhhətində problem yarandığı üçün yüksək risk qrupuna daxil olan şəxslər hava yolu ilə təxliyəyə istiqamətləndiriləcək.
Əyalət rəsmisi Şeyn Tompson mətbuata verdiyi açıqlamada əhalinin ərazini tərk etməsi üçün kifayət qədər vaxt olduğunu və yağış yağmasa, həftə sonu alovların yaşayış məntəqələrinə çata biləcəyini bildirib.
Yellowknife və ətrafındakı yerli Amerika icmaları olan Ndilo və Dettah üçün evakuasiya əmrinin bir hissəsi olaraq, əyalət əhalisinin 15 faizinə bərabər olan 6800 nəfərin təxliyyəsi tamamlandı.
Dünəndən etibarən bu il Kanadada 1067 meşə yanğınının davam etdiyi və ölkədə 21 min kvadrat kilometr ərazinin yandığı açıqlanıb.
Şayəstə Hüseynova
