ABŞ-da Çində yerləşən şirkətlərlə “gizli” işlədiyi iddia edilən Google-da keçmiş proqram mühəndisi Ding Linvey, Google-un süni intellektinə dair “ticarət sirlərini oğurlamaqda” günahlandırılıb.
Elchi.az xəbər verir ki, ABŞ Ədliyyə Nazirliyindən verilən yazılı açıqlamada Google-da proqram mühəndisi olan “Leon Ding” kimi tanınan Ding Linvey, Google-un süni intellekt texnologiyası ilə bağlı “ticarət sirlərini” oğurlamaqda dörd ayrı ittihamla ittiham olunub.
Açıqlamada Çin vətəndaşı Dinqin Google işçisi olduğu müddətdə Çində fəaliyyət göstərən şirkətlərlə “gizli” işlədiyi və bu proses zamanı Google ilə bağlı həssas məlumatları şəxsi hesabına köçürdüyü bildirilib.
Açıqlamada saxlanılan Dinqin günahı sübuta yetirilərsə, ittihamların hər biri üçün 10 ilə qədər həbs cəzası verilə biləcəyi bildirilib.
ABŞ-ın Federal Təhqiqatlar Bürosunun (FTB) direktoru Kristofer Wray, “Bugünkü ittihamlar Çində yerləşən şirkətlərin Amerika ixtiralarını oğurlamaq üçün nə qədər irəliləyəcəklərinin ən son göstəricisidir” deyib.
Wray bildirib ki, bu oğurluqlar ölkə iqtisadiyyatı və milli təhlükəsizlik üçün “mənfi nəticələrə” səbəb olacaq.
Şayəstə Hüseynova
