Şərqi Afrika ölkəsi Keniya xaos və zorakılığı dayandırmaq üçün Karib hövzəsi ölkəsi Haitiyə 1000 nəfərlik polis qüvvəsi göndərəcək.
Elchi.az xəbər verir ki, Haiti polisinin hazırlanmasında və təhlükəsizliyində rol oynayacaq Keniya polisi ölkənin sabitliyinə töhfə verəcək.
Haitinin baş naziri Ariel Henri və xarici işlər naziri Jan Viktor Geneus Keniya qüvvələrinin dəstəyini alqışlayacaqlarını bildiriblər.
Keniyanın xarici işlər naziri Alfred Mutua, Haitidəki problemin tez bir zamanda həlli olmadığını, lakin Haiti xalqının probleminin həlli üçün məsuliyyət hiss etdiklərini ifadə etdi.
Digər tərəfdən, Keniyanın təşəbbüsü dünyanın bir çox ölkələri tərəfindən yüksək qiymətləndirilib.Baham adaları yaradılacaq beynəlxalq qüvvəyə 150 nəfəri qatacaqlarına söz verib.Birləşmiş Millətlər Təşkilatının (BMT) Baş katibi Antonio Quterreş Haiti polisinə dəstək verilməsi lazım olduğunu ifadə edərək, “BMT Təhlükəsizlik Şurasının üzvlərini və bütün töhfə verən ölkələri Haiti Milli Polisinə dəstək vermək üçün çoxmillətli bir güc yaratmağa çağırıram” sözləri işlədib.
Şayəstə Hüseynova
