Şimali Koreya lideri Kim Çen In bildirib ki, Koreya Respublikası qarşıdurma siyasəti yürüdür və son nəticədə ən düşmən dövlətə çevrilib. Elchi.az xəbər verir ki, onun sözlərini “KCNA” xəbər agentliyi sitat gətirir.
“Uzun müddət, təxminən 80 il ərzində Koreya Respublikası bizim hakimiyyətimizi və rejimimizi devirmək üçün çılğıncasına yalnız şər qarşıdurmadan yapışıb”, – deyə agentlik yazır.
Siyasətçinin sözlərinə görə, Şimali Koreya bu qaçılmaz, geri dönməz reallığı tanımalıdır. Bundan əlavə, Kim Çen In müvafiq cavab tədbirləri görməyə çağırıb.
Qeyd edək ki, yanvarın 5-də Şimali Koreya hərbçiləri Cənubi Koreyanın Panqnendo və Yeonpyonqdo adaları ərazisində iki saat ərzində 200-dən çox sahil artilleriya mərmisi atıblar. Cənubi Koreya tərəfində heç bir dağıntı qeydə alınmayıb. Mərmilər Şimali Koreya ərazisinə düşüb.
Havar Şəfiyeva
