Şimali Koreya lideri Kim Çen İn Rusiyanın müdafiə naziri Sergey Şoyqu ilə görüşündə Şimali Koreyanın yeni pilotsuz təyyarələrini nümayiş etdirib.
Qeyd edilir ki, onların xarici görünüşü Amerikanın pilotsuz uçuş aparatlarına (PUA) bənzəyir.
Elchi.az bu barədə RİA Novosti-yə istinadən xəbər verir.
Pxenyanda keçirilən silah və avadanlıq sərgisində Kim Çen İn Şoyquya ölkənin ən son silahlarını, o cümlədən ballistik raketləri, tankları və zirehli maşınları nümayiş etdirib. Sərgidə nümayiş etdirilən, zahirən Amerikanın RQ-4 Global Hawk və MQ-9 Reaper-ə bənzəyən iki pilotsuz təyyarənin bannerlərində uçuşda olan cihazların fotoşəkilləri yerləşdirilib, yəni KXDR hərbçiləri onları artıq sınaqdan keçiriblər.
Nuranə Məmmədova
