NTV-nin sabiq redaktoru Anatoli Çubaysa cavab verdi
“Xəyanət. NTV kanalının keçmiş redaktoru olan Yevgeni Kiselyov “Rosnano” korporasiyasının rəhbəri Anatoli Çubaysın Boris Nemtsovun ölümü haqqında dediklərini belə şərh edib.
ANS PRESS Rusiya mətbuatına istinadən Kiselyovun fikirlərini təqdim edir:
“Anatoliy Çubays bu gün Boris Nemtsovun qətlə yetirildiyi yerə gedib, nə isə ürəyindən gələn sözlərini deyib, sonra isə belə söyləyib “Biz hamımız dayanmalıyıq. Hakimiyyət, müxalifət, liberallar, kommunistlər, milliyyətçilər, konservantlar – hamı. Dayanmaq zamanıdır. Heç olmasa bir dəqiqə düşünək görək biz Rusiyanı hara aparırıq”. Anatoli Borisoviç sizə elə gəlmir ki, bu sözlər ilə siz təzəcə qətlə yetirildiyi yerə gülər qoyduğunuz dostunuz Boris Nemtsova xəyanət edirsiniz”, – deyə Kiselyev öz bloqunda yazıb.
“Əslində Nemtsov özü dayanmalı idi? Gəlin həqiqətin gözünə dik baxaq. Siz özünüz şəxsən ölkəni hara gətirib çıxarmısınız? Sizin siyasətdən üstün tutduğunuz nanotexnologiyalar sahəsini kölgə altına almayaraq sual vermək istəyirəm. Nəyə görə, siyasətdən uzaq duraraq Kremli sağ təmayülçülərə təhvil verdiniz? Sizin səhlənkarlığınız ucbatından indi Rusiyada faşizm mövcuddur”.
Xatırladaq ki, mart ayının 1-də Moskvada Nemtsovun xatirəsinə matəm yürüşü keçirilib. Yürüş siyasətçinin qətlə yetirildiyi yerdə bitib. Bəzi məlumatlara görə, yürüşdə 30 minə yaxın insan iştirak edib.
