Rusiya Müdafiə Nazirliyi Ukraynanı Kiyevə zərbələr endirməklə hədələyib.
Elchi.az xəbər verir ki, bu barədə Rusiya Müdafiə Nazirliyi məlumat yayıb.
“Ukrayna qoşunları Rusiyadakı hədəflərə zərbələr endirməkdə davam edir. Belə davam edərsə, Rusiya Silahlı Qüvvələri Ukraynadakı qərar qəbuletmə mərkəzlərini vuracaq”,- deyə nazirliyin açıqlamasında deyilir.
Ukrayna Prezident Aparatının rəhbəri Andrey Yermak Rusiya Müdafiə Nazirliyinin hədələrinə cavab verib. O ölkəsinin istənilən ssenariyə hazır olduğunu bildirib və Rusiyanı yalnız mülki şəxslərlə döyüşə bilməkdə ittiham edib.
A.Yermakın sözlərinə görə, Rusiya öz təxribatları ilə növbəti təhdidlər üçün zəmin yaradır.
