ABŞ əvvəlcə Rum tərəfinə silah embarqosunu ləğv edib. Sonra qarşılıqlı hərbi təlimlərə başlayıb. ABŞ-ın bölgədəki sualtı qayığı da Yunanıstan limanlarına yanaşıb.
Elchi.az xarici mediaya istinadən xəbər verir ki, təkcə bu deyil, Yunan Kipr administrasiyasının lideri Nikos Xristodoulidis sualtı qayığa baş çəkib.
“Bu, sabitlik və sülh mühitini pozacaq”
Yunan Kiprin müdafiə naziri Mihalis Yorqallas da ABŞ-dan silah sistemləri alacaqlarını açıqlayıb. Bu açıqlama KKTC-də reaksiya ilə qarşılanıb.
KKTC Xarici İşlər Nazirliyi Kipr yunanlarının silahlandırılmasının Adada və Şərqi Aralıq dənizində sabitlik və sülh atmosferini pozacağı ilə bağlı xəbərdarlıq edib.
“Atılan addımlara qətiyyətlə cavab veriləcək”
Nazirlikdən verilən açıqlamada Kipr yunanlarının sistemli şəkildə silahlandığına diqqət çəkilib. Kipr türk xalqının təhlükəsizliyinə təhlükə yarada biləcək fəaliyyətlərin qarşılanacağı qeyd edilib. Bəyanatda, “Vətən Türkiyə və KKTC Kipr türk xalqının və Türkiyənin təhlükəsizliyinə qarşı təhdidlərə qarşı qətiyyətlə hərəkət edəcək” sözləri ifadə edilib.
Xarici İşlər Nazirliyi onu da vurğulayıb ki, tarix təhlükəsizliyimizə təhdidlərə qarşı qətiyyətimizi təsdiqləyir.
Qeyd edək ki, ABŞ-ın “San Juan” sualtı qayığının Yunanıstan dəniz limanına yanaşması da kəskin şəkildə pislənilib.
Yeganə
