Ukrayna Ali Radası hərbiçilərin intizam qaydalarını pozması və komandanlığın əmrlərinə itaətsizliklə bağlı yeni qanun layihəsini təsdiqləyib.
Azvision.az Ukrayna KİV-nə istinadən xəbər verir ki, artıq komandirlərə hətta hərbçiləri güllələmək icazəsi belə verilib.
Ukrayna prezidenti Pyotr Poroşenko bəyan edib ki, ölkənin şərqindəki hərbi münaqişəyə gündə 5-7 milyon avro pul xərcləyirlər.
Jurnalistlərə açıqlamasında Poroşenko həmçinin bildirib ki, Qərbdən müasir silahlar və əlavə maliyyə yardımı istəyib.
Qeyd edək ki, son günlər Ukraynalı hərbçilər və ölkənin şərqindəki separatçılar arasında gərgin döyüşlər gedir.
Son 24 saat ərzində Donetsk və Luqansk regionlarında baş verən döyüşlər nəticəsində ötən gün 17 Ukrayna hərbçisi öldürülüb.
