VAR sistemi Konfrans Liqasında da tətbiq olunacaq.
Bu barədə qərarı UEFA verib.
Qurum cari mövsümün yarımfinalında hakimin video assistentindən yararlanmağı məqsədəuyğun sayıb. Öncədən yalnız finalda bu texnologiyadan istifadə planlaşdırılırdı.
Konfrans Liqası qitənin üçüncü dərəcəli klub turniri sayıldığından və burada o qədər də böyük olmayan komandalar iştirak etdiyindən VAR-ın tətbiqi vacib hesab edilmirdi.
Qeyd edək ki, yarımfinalda “Lester” “Roma”, “Feyenoord” “Marsel”lə görüşəcək. İlk oyunlar aprelin 28-də, cavab matçları mayın 5-də, final isə 25-də təşkil olunacaq.
