ABŞ Konqresinin Nümayəndələr Palatasının üzvü, respublikaçı Marjorie Taylor Green Amerika lideri Co Baydenin impiçmentinə çağırıb. Elchi.az xəbər verir ki, bu barədə o, Tvitter hesabında yazıb.
O, Nyu-Yorkun Manhetten dairəsində münsiflər heyətinin ABŞ-ın keçmiş prezidenti Donald Trampa qarşı ittiham irəli sürməsi ilə bağlı xəbəri belə şərh edib.
“Bəsdir bu mənasız ifritə ovu” deyə qeyd edib. Qrinin sözlərinə görə, Ağ Ev rəhbərinin özü törətdiyi cinayətlərin araşdırılmasına səbəb olub və bu da araşdırılmalıdır.
Bundan əvvəl Nyu-Yorkun böyük münsiflər heyəti Tramp Təşkilatının maliyyə sənədlərinin saxtalaşdırılması işi üzrə Trampı ittiham etmək üçün səs verib. Siyasətçiyə qarşı hansı ittihamların irəli sürüləcəyi isə hələlik məlum deyil. Trampın özü bu vəziyyəti siyasi təqib və seçkiyə müdaxilə adlandırıb.
Havar Şəfiyeva
