“Dağlıq Qarabağ münaqişəsinin həlli üçün bir çox ciddi addımlar görüləcək”.
Bu barədə Rusiya Federasiya Şurasının Beynəlxalq İşlər Komitəsinin sədri Konstantin Kosaçev deyib.
Onun sözlərinə görə, münaqişənin birdən-birə həlli çətindir: “Biz başa düşürük ki, münaqişənin dondurulmuş mərhələyə transferi onun həlli demək deyil. Amma ən azından qan tökülməsinin qarşısını almaqdır. Və münaqişənin qəfil dondurulmuş vəziyyətdən çıxması çaşqınlıq yaratdı. Etiraf edilməlidir ki, Rusiya bu vəziyyətə hazır deyildi. Rusiya bu vəziyyətdə qan tökülməsinin qarşısını almaq üçün hərəkətə keçdi. Fikrimcə, prezident Vladimir Putinin Azərbaycan və Ermənistan prezidentləri ilə şəxsi münasibətlərə sahib olması, münaqişənin həllində rol oynaya bilər”.
