Rusiya Xarici İşlər Nazirliyinin Silahların Yayılmaması və Silahlara Nəzarət Departamentinin direktoru Vladimir Yermakov Koreya yarımadasındakı vəziyyəti dəyərləndirib. Elchi.az xəbər verir k, o, bu barədə TASS-a müsahibəsində danışıb.
Yermakov Koreya yarımadasında nüvə eskalasiyasının risklərindən danışıb və vurğulayıb ki, Rusiya bu cür gərginliyin artmasına görə Pxenyanı günahlandırmaq cəhdləri ilə razı deyil. Onun fikrincə, belə mövqe reallığa uyğun gəlmir, çünki ABŞ regionda həlledici rola malikdir və orada təxribat xarakterli hərəkətlər aparır.
Yermakov daha əvvəl Moskva ilə Vaşinqton arasında münasibətləri şərh edib. O, Rusiya ilə ABŞ arasında birbaşa hərbi toqquşma riskinin artdığını açıqlayıb. Rusiya Xarici İşlər Nazirliyinin nümayəndəsi həmçinin Vaşinqtonu vəziyyətin deeskalasiyası üçün tədbirlər görməyə və Rusiyanın təhlükəsizliyinə xələl gətirən düşmənçilik xəttinə riayət etməyi dayandırmağa çağırıb.
Havar Şəfiyeva
