Britaniya kraliçası II Elizabetin dəfn mərasimi başa çatıb.
Elchi.az-ın xəbərinə görə, bu gün Kraliça II Elizabetin Londonda keçirilən dövlət dəfn mərasimindən sonra, onun tabutu Vindsor Sarayına gətirilib.
Kraliçanın qurğuşun tabutu bu axşam dəfn edilməzdən əvvəl kilsənin zirzəmisindəki Krallıq Məqbərəsinə endirilib. Bununla da Kraliçanın dəfn mərasiminin ictimaiyyətə açıq tərəfi başa çatıb.
Kraliça Vindsor Sarayındakı VI Georq Memorial Kapellasında dəfn ediləcək. Burada o, valideynləri, VI Georq və anası Elizabet və 2002-ci ildə vəfat edən bacısı Şahzadə Marqaretlə birlikdə olacaq.
Qeyd edək ki, Kraliçanın həyat yoldaşı Edinburq hersoqu Filip keçən il aprelin 9-da vəfat etsə də, onun cəsədinin Kraliçanın ölümünə qədər dəfn olunmayacağı elan edilmişdi.
Bununla da, Edinburq Hersoqunun cənazəsi Kraliçanın dəfn mərasimindən sonra Kral Məqbərəsindən daşınaraq Kraliçanın yanında dəfn ediləcək.
14.01
Böyük Britaniya Kraliçası II Elizabetin dəfn mərasimi başlayıb.
Elchi.az xəbər verir ki, “Westminster Abbey” kilsəsində keçirilən dəfn mərasimi Britaniya saatı ilə saat 11:00-da başlayıb.
ABŞ Prezidenti Co Bayden, Fransa Prezidenti Emmanuel Makron, Yeni Zelandiyanın Baş naziri Casinda Ardern, Kanadanın Baş naziri Castin Trudo olmaq üzrə bir çox ölkənin dünya lideri dəfn mərasiminə qatılıb.
“Westminster Abbey”də keçirilən mərasimdən sonra kraliçanın cənazəsi kral ailəsinin üzvlərinin də iştirak etdiyi yürüşlə “Wellington Arch”a daşınacaq. Daha sonra isə cənazə Vindzor şəhərinə aparılacaq, Kraliça II Elizabet, əri Şahzadə Filipin yanında, Vindzorda torpağa tapşırılacaq.
Qeyd edək ki, yürüşü izləmək üçün minlərlə insan bir neçə saat əvvəldən London küçələrində toplanmağa başlayıb.
