Rusiya Federasiyasının baş prokuroru İqor Krasnov Rusiya prezidenti Vladimir Putinə silahlı üsyan təşkil etməyə cəhdlə bağlı cinayət işi barədə məlumat verib, bunu Rusiya liderinin mətbuat katibi Dmitri Peskov deyib.
Elchi.az xəbər verir ki, “Rusiya Federasiyasının baş prokuroru Krasnov silahlı üsyan təşkil etmək cəhdi ilə bağlı cinayət işinin başlanması kontekstində Putinə məruzə edib”, – Peskov bildirib.
O vurğulayıb ki, Krasnov belə bir cinayət işinin başlanmasının qanuniliyi barədə prezidentə məlumat verib.
İyunun 23-də Rusiya FTX-si Priqojinə qarşı silahlı üsyan təşkil etmə faktı ilə bağlı Rusiya Federasiyası Cinayət Məcəlləsinin 279-cu maddəsi ilə qanuni və əsaslı şəkildə cinayət işi açıb. Priqojinin hərəkətlərinə lazımi hüquqi qiymət veriləcək.
Xüsusi xidmət orqanlarının Priqojindən şübhələndiyi cinayət 20 ilə qədər azadlıqdan məhrumetmə ilə cəzalandırılır.
Rusiya Federasiyasının Müdafiə Nazirliyi Priqojinin təxribatından istifadə edərək Kiyevin Artemovsk istiqamətində hücuma hazırlaşdığını bildirib.
Nuranə Məmmədova
