Kollektiv Təhlükəsizlik Müqaviləsi Təşkilatına (KTMT) üzv dövlətlərin nümayəndələri hərbçilərin birgə hazırlığının təkmilləşdirilməsi məsələsini müzakirə ediblər.
Elchi.az Tass.ru-ya istinadən bildirir ki, bu barədə KTMT-nin Birgə Qərargahının mətbuat katibi Vladislav Şeqrikoviç məlumat verib.
Oktyabrın 4-6-da Belarusda KTMT-nin Müdafiə Nazirliyi Şurası yanında hərbi kadrların birgə hazırlanması və elmi işlərin əlaqələndirilməsini həyata keçirən işçi qrupunun iclası keçirilib. Tədbirdə KTMT-yə üzv dövlətlərin müdafiə nazirliklərinin hərbi təhsili idarəetmə orqanlarının rəhbərləri, həmçinin assosiasiyaya üzv dövlətlərin tədris, metodiki və elmi-tədqiqat təşkilatlarının nümayəndələri iştirak ediblər.
Hazırda təşkilata üzv olan ölkələrin 12 hərbi təhsil müəssisəsi KTMT-nin fundamental təhsil təşkilatı statusu alıb və onlar aşağıdakı ixtisaslar üzrə təlim keçirlər: birgə qüvvələrin hazırlığı, hava hücumundan müdafiə, raket qoşunları və artilleriya, qoşunların hava hücumundan müdafiəsi, rabitə, maddi-texniki təminat, informasiya təhlükəsizliyi, elektron müharibə, KTMT-nin sülhməramlı qüvvələrinin şəxsi heyətinin minalardan təmizlənməsi, tibb və əczaçılıq peşələrinin hazırlanması, habelə təşkilata üzv ölkələrin milli təhlükəsizliyinin və müdafiə qabiliyyətinin təmin edilməsinə cavabdeh olan kadrların hazırlanması.
Yeganə
