Kürdüstan Sosialist Demokrat Partiyasının sədrinin oğlu qarşıdurmada öldürülüb
İraqda İŞİD-lə qarşıdurma davam edir. Kürdüstan Sosialist Demokrat Partiyasının sədrinin oğlu da bu qarşıdurmada öldürülüb.
Musavat.com-un Türkiyə mətbuatına istinadən verdiyi xəbərə görə, sədr Məhəmməd Hacı Mahmudun oğlu Ata Məhəmməd İraq Şam İslam Dövləti üzvləri ilə çıxan qarşıdurmada öldürülüb.
Kərkükün 12 kilometr cənubundakı kənddə İŞİD-ə qarşı əməliyyatı idarə edən Ata Məhəmməd ciddi qarşıdurmada həyatını itirib. Həmçinin ölən İŞİD-çilərin sayı 120-dən artıqdır. Ölənlərin arasında İŞİD-in lider heyətindən yeddi nəfərin də olduğu bildirilir.
Son olaraq isə bildirilir ki, İraqda kürdlərlə İŞİD arasındakı qarşıdurmalar Mosulda və Kərkükün cənubunda şiddətlənib.
