Rusiya xarici işlər naziri Sergey Lavrov bildirib ki, ABŞ 54 ölkəni Ukraynaya silah-sursat verən və orada hərbi mütəxəssislərlə təmin edən anti-Rusiya koalisiyasına birləşdirib.
Elchi.az bu barədə TASS.ru-ya istinadən xəbər verir.
Lavrovun sözlərinə görə, 2 ildən az müddətdə Qərb Ukraynaya 200 milyard dollardan çox vəsait ayırıb. Ukrayna rejiminə əsas donorlar ABŞ, Almaniya, Böyük Britaniya, Danimarka, Polşa, Norveç, Hollandiya və İsveç olub.
Eyni zamanda, nazir qeyd edib ki, Qərb ölkələrinin bu yardımı göstərməkdə əsas motivasiyası yalnız “Rusiya qalib gəlməsin” fikridir.
“Məqsəd budur: Ukrayna ilə bağlı hər şey Rusiyaya necə deyərlər, strateji məğlubiyyət vermək üçün istifadə edilməlidir”, – deyə Lavrov Moskvada akkreditə olunmuş diplomatik nümayəndəliklərin rəhbərləri ilə görüşdə qeyd edib.
Lavrovun sözlərinə görə, Qərb artıq “Ukrayna layihəsi”nin uğursuzluğunu dərk etməyə başlayıb, lakin nüfuz və iqtisadi qazanc mülahizələrinə görə onu dəstəkləməkdən əl çəkə bilmir.
Yeganə
