Moskva ilə ABŞ arasında nüvə təhlükəsizliyi üzrə dialoq Vaşinqtonun Rusiyaya qarşı apardığı hibrid müharibə səbəbindən mümkün deyil. Elchi.az Lenta.ru-ya istinadən xəbər verir ki, bunu Rusiya Xarici İşlər Nazirliyinin rəhbəri Sergey Lavrov 2023-cü ildə Rusiya diplomatiyasının yekunlarına həsr olunmuş mətbuat konfransında deyib.
Lavrov ABŞ-la nüvə təhlükəsizliyi məsələləri üzrə dialoqu şərh edib. O vurğulayıb ki, hibrid müharibə şəraitində nəinki Vaşinqtonla strateji sabitliyə dair yeni razılaşmalar, ümumiyyətlə bu məsələ ilə bağlı hər hansı dialoq üçün şərait görmür.
“Birləşmiş Ştatlar bizə dedi ki, “bəli, biz sizi təhqir edirik, təcavüzkar adlandırırıq, amma gəlin bunu davam etdirək, oturub strateji dialoq mövzusunda danışaq”, – deyə nazir əlavə edib.
Lavrov daha əvvəl bildirib ki, Rusiya ABŞ-ın əvvəllər Orta Mənzilli Nüvə Qüvvələr Müqaviləsinə əsasən qadağan olunmuş yerüstü raket sistemlərini yerləşdirməsinə cavab olaraq ciddi tədbirlər görəcək. Onun sözlərinə görə, Vaşinqton əlavə raket riskləri yaradır.
Havar Şəfiyeva
