Moskva Rusiya, Ukrayna və bütün Avropa ölkələrinə təhlükəsizlik zəmanətlərinin verilməsinin tərəfdarıdır.
Elchi.az xəbər verir ki, bunu Rusiyanın xarici işlər naziri Sergey Lavrov hindistanlı həmkarı Subramanyan Caişankarla danışıqların yekunlarına dair mətbuat konfransında bildirib.
“Biz Ukraynaya, bütün Avropa ölkələrinə, Rusiyaya təhlükəsizlik zəmanətlərinin uzun illər ATƏT çərçivəsində qəbul edilən “heç bir ölkə öz təhlükəsizliyini digər ölkənin təhlükəsizliyi hesabına gücləndirməyəcək” prinsipini bəyan edən sənədlərə uyğun olaraq təmin edilməsinin tərəfdarıyıq”, – Rusiya XİN başçısı vurğulayıb.
Lavrov həmçinin qeyd edib ki, Hindistanın Rusiya Federasiyası ilə Ukrayna arasında danışıqlarda vasitəçilik edə biləcəyi barədə söhbət eşitməyib: “Yalnız onu deyə bilərəm ki, Hindistanın şantaj və ya diktə üsullarından təsirlənməyən balanslı mövqeyi, əlbəttə ki, bizdə hörmət oyadır. Bir çox digər mühüm ciddi dövlətlər də şantaj və ya diktə etmək dili ilə danışmağın faydasız olduğu mövqeyindən çıxış edirlər”.
