“Rusiya prezidenti Vladimir Putin ABŞ prezidenti Co Baydenlə təmaslara həmişə hazırdır, lakin belə görüşlər hər zaman yaxşı hazırlanmalıdır”.

Bunu Rusiyanın xarici işlər naziri Sergey Lavrov ABŞ dövlət katibi ilə görüşdən sonra keçirilən mətbuat konfransında deyib.

“Təkliflərimizə rəsmi cavab gözləyirik, bundan sonra öz səviyyəmizdə (xarici işlər nazirləri-red) növbəti təması planlaşdırırıq. Gəlin irəli qaçmayaq. Prezident Putin hər zaman prezident Baydenlə təmaslara hazırdır, aydındır ki, bu təmaslar ciddi şəkildə hazırlanmalıdır və başa düşülsün ki, bizim liderlərimizin potensialından istifadə etməklə nəyə nail olacağıq”, – deyə Rusiya XİN başçısı vurğulayıb.