Rusiyanın xarici işlər naziri Sergey Lavrov vyetnamlı həmkarı Bui Thanh Sonun dəvəti ilə iyulun 5-6-da Vyetnamda işgüzar səfərdə olacaq.
Elchi.az xarici KİV-ə istinadən xəbər verir ki, səfər Vyetnam və Rusiya arasında hərtərəfli strateji tərəfdaşlığın 10-cu ildönümünə təsadüf edir.
Vyetnam və Rusiya 1950-ci ildə diplomatik əlaqələr qurub. İki ölkə münasibətlərini 2001-ci ildə strateji tərəfdaşlığa, 2012-ci ildə isə hərtərəfli strateji tərəfdaşlığa yüksəldib.
2021-ci ildə Vyetnam prezidenti Nquyen Xuan Fukun Rusiyaya rəsmi səfəri zamanı ölkələr “Rusiya Federasiyası ilə Vyetnam arasında hərtərəfli strateji tərəfdaşlığın 2030-cu ilə qədər inkişafına baxış” birgə bəyanat qəbul ediblər.
