“Liverpul” heyətini yeni futbolçu ilə gücləndirməyə çalışır.
Elchi.az xəbər verir ki, İngiltərə klubu Madrid “Real”ından Federiko Valverdeyə elçi düşüb.
Daha əvvəl mersisaydlılar 24 yaşlı uruqvaylıya görə 60 milyon avro təklif etsə də, İspaniya klubu futbolçu üçün 100 milyon avro tələb edib. İkinci dəfə “Kral klubu”na müraciət edən “Liverpul” 80 milyon, əlavə olaraq 20 milyon avro bonusa qədər təklifi artırmağa hazır olduğunu bildirib.
Qeyd edək ki, ötən mövsüm madridlilərlə 56 matçda meydana çıxan Federiko 12 qol vurub və 7 məhsuldar ötürmə verib.
