Belarus Prezidenti Aleksandr Lukaşenko Belarus və Rusiyanın birgə qaz bazarının iflasa uğradığını açıqlayıb.
Elchi.az erməni medasına istinadən xəbərinə görə, o, qeyd edib ki, ittifaq proqramlarının həyata keçirilməsindən söhbət gedəndə enerji daşıyıcılarının qiymətlərinin müəyyən edilməsi məsələsi birinci yerdədir, çünki Belarus iqtisadiyyatının rəqabət qabiliyyəti ondan asılıdır.
“Xatırladıram ki, vahid qaz bazarının formalaşdırılması üçün ittifaq planında konkret tədbirlər və müddətlər nəzərdə tutulub. Təəssüf ki, bu plan həyata keçirilməyib. Buna kim cavabdehdir, vəziyyəti necə düzəldəcəyik? Əsas əhəmiyyət enerji resurslarının qiyməti deyil, hər iki ölkənin təsərrüfat subyektləri üçün bərabər şərtlərdir. Hesab edirəm ki, bizim Rusiya tərəfinə yönəlmiş bir istəyimiz var ki, sahibkarlıq subyektlərinin işləməsi üçün bərabər şərait yaradılsın. Bu bərabər şəraitdə qazın və neftin qiymətlərinin yüksək olmaması vacibdir. Amma bu, qətiyyən vacib deyil. Demək olar ki, bunun heç bir əhəmiyyəti yoxdur. Əsas odur ki, ruslarla bizim enerji daşıyıcıları və fəaliyyətimizin digər sahələri üçün qiymətlər bərabərdir. Əsas olan budur”, deyə – Lukaşenko bildirib.
Yeganə
