“Əgər məni çağırsaydılar belə, 9 mayda Moskvadakı parada gedə bilməzdim. Çünki o zaman Minskdəki paradda iştirak etməzdim. Bu da Belarus sakinlərində çoxlu suallar yaradardı”. Cebhe.info xəbər verir ki, bunu Belarus Prezidenti Aleksandr Lukaşenko 9 mayda Moksvadakı parada dəvət almamasıyla bağlı suala cavabında deyib. Bildirib ki, 9 may-Qələbə günü onun ölkəsində əlamətdar bayramdır: “Belarus müqəddəs torpaqdır, burada tez-tez MDB liderləri də, digər ölkələrin başçıları da toplaşmalıdırlar”.
Xatırladaq ki, Lukaşenkonun parada dəvət almadığı xəbəri yayıldıqdan sonra Kreml buna aydınlıq gətirib. Mətbuat katibi Dmitri Peskov bildirib ki, 2019-cu il qələbənin yubileyi deyil. Buna görə də kiməsə xüsusi dəvət göndərilməyib. Əsas bayram 2020-ci ilə planlaşdırılır. Gələn il faşizm üzərində qələbənin 75 ili qeyd olunacaq.
