“Yeni dərs ilinin başlanması cəbhədəki gərginliklə eyni zamana təsadüf etdi. Həm də çoxlu sayda şəhid verdik. Təhsil Nazirliyi məktəblərə göstəriş verdi ki, 15 sentyabrda heç kim əlində məktəbə gül gətirməsin. Müşahidə etdim, bir nəfərin də əlində gül yox idi. Deməli, məktəb direktorları istəyəndə Emin Əmrullayevə yaxşıca qulaq asmağı bacarır”.
Elchi.az xəbər verir ki, bu fikirləri jurnalist Məhəmmədəli Qəribli FB hesabında qeyd edib:
“Yetər ki, onun özü nəyisə istəsin. Sabah heç bir fəlsəfi mahiyyəti olmayan, yalnız valideynlərdən pul yığmaq üçün istifadə olunan “müəllimlər günü” qeyd ediləcək. Valideyn “votsap” qruplarında şıdırığı pul yığımı gedir. Maraqlıdır, gənc nazirimiz bu məsələdə niyə dirəniş göstərib, direktorlara pul yığımını qadağan etmir?
Təkcə Bakı şəhərində məhz bu gündə yığılan pulu məktəblərin sayına vuranda astronomik rəqəm alınır. Korrupsiyanın tam kökünün kəsilmədiyi istənilən qurumda rüşvət alma prosesi həmin quruma heç bir aidiyyəti olmayan dəllal insanlar vasitəsilə həyata keçirilir.
İlişəndə də onları “rasxod”a verirlər. İndi də məktəblərdə bu funksiyanı valideyn komitəsinin rəhbərləri votsap vasitəsilə həyata keçirir. Gənc nazirimizin bu yığıma göz yumması məndə əsaslı şübhələr yaradır”.
Yeganə
