Kosta-Rikadakı zooparkda özbaşına hamilə qalan timsahın ilk nümunəsi görünüb.
Elchi.az xəbər verir ki, dişi timsah 99,9 faiz genetik olaraq özü ilə eyni olan döl törədib.
Partenogenez və ya “bakirə doğuş” fenomeni əvvəllər quş, balıq və digər sürünən növlərində aşkar edilmişdi, lakin ilk dəfə timsahlarda müşahidə olunur.
Alimlər deyirlər ki, bu xüsusiyyət irsi ola bilər. Beləliklə, dinozavrlar da öz-özünə çoxalmağa qadir ola bilərdi.
Amerika timsahı iki yaşından zooparkda digər timsahlardan ayrı saxlanıldığı üçün hadisədən sonra müəssisədə çalışan mütəxəssislər ABŞ-ın Virciniya Politexnik Universitetində bakirə doğuşla bağlı çalışan bir qrup tədqiqatçı ilə əlaqə saxlayıblar.
Dölün analizini aparan qrup, onun ata olmadığını təsdiqləyərək, onun anasına 99,9 faizdən çox genetik olaraq eyni olduğunu müəyyən edib.
“Royal Society” jurnalında yazan tədqiqatçılar deyirlər ki, bakirə doğuşlar timsahlarda daha tez-tez baş verir və insanlar nümunə axtarmadığı üçün bu günə qədər diqqətdən kənarda qalmamışdır.
Nuranə Məmmədova
