Macarıstanın xarici işlər naziri Peter Szijyarto bildirib ki, Avropa İttifaqı Ukrayna ilə bağlı konsensus olmayan qərarlar qəbul etməyə çalışır, lakin Macarıstan öz maraqlarından çıxış edəcək. Elchi.az xəbər verir ki, o, müvafiq qeydi öz “Facebook” səhifəsində dərc edib.
Szijarto Aİ xarici işlər nazirlərinin görüşünü şərh edib. Görüş zamanı Ukraynaya dəstək və Yaxın Şərqdəki vəziyyət müzakirə olunur.
“Bir çox avropalı siyasətçilər tamamilə hazır olmayan və Avropanın gələcəyi ilə bağlı strateji konsensusun olmadığı mühüm qərarlar qəbul etmək istəyirlər. Biz Avropa və milli maraqlara uyğun qərarlar qəbul etməyə davam edəcəyik və kimdən olursa olsun, bizi nə ilə şantaj etsələr də, nə vəd etsələr də, heç bir təzyiqə tab gətirməyəcəyik”, – deyə Szijyarto bildirib.
Havar Şəfiyeva
