Macarıstanın xarici işlər naziri Peter Siyarto “Facebook” səhifəsində yazıb ki, Budapeşt gözləyir ki, NATO ölkələrinin nümayəndələri Brüsseldə keçiriləcək görüşdə alyansın Rusiyaya qarşı hərbi əməliyyatlara cəlb olunmayacağına dair Ukrayna münaqişəsinə yanaşmaya sadiqliklərini təsdiq edəcəklər. Elchi.az bu barədə Lent.ru-ya istinadən xəbər verir.
Szijarto vurğulayıb ki, Şimali Atlantika Alyansı döyüşən tərəfə çevrilməməlidir. “NATO ilə Rusiya arasında birbaşa qarşıdurmadan qaçmaq üçün mümkün olan hər şeyi etməliyik”, – deyə o, çağırıb.
Nazir əmindir ki, NATO qeyri-qanuni miqrasiya səbəbindən daha da ağırlaşan terrorizmlə mübarizəni gücləndirməli, həmçinin Qərbi Balkanlarda sabitliyin qorunmasına kömək etməlidir.
Bundan əvvəl NATO-nun baş katibi Yens Stoltenberq bəyan edib ki, Rusiya ilə hərbi eskalasiyanın qarşısını almaq NATO-nun əsas vəzifəsidir.
Havar Şəfiyeva
