Macarıstan Ukraynanın Aİ-yə üzv olmaq təklifini dəstəkləyir.
Elchi.az-ın “Reuters”ə istinadən xəbərinə görə, bu barədə Macarıstanın xarici işlər naziri Peter Siyarto deyib.
XİN başçısı Latviya, Litva, Estoniya, Polşa, Çexiya, Slovakiya, Bolqarıstan və Sloveniya prezidentlərinin Avropa İttifaqının Ukrayna ilə üzvlük müzakirələrinə başlamaq təşəbbüsünə toxunub.
“Macarıstan bu təşəbbüsü dəstəkləyir və biz Brüsseli bu məsələni gündəmə gətirməyə çağırırıq”, – o bildirib.
XİN başçısı qeyd edib ki, macar xalqı müharibə yox, sülh istəyir: “Biz sülhün mümkün qədər tez bərpa olunması üçün əlimizdən gələni edirik”.
Siyarto Rusiya və Ukrayna arasında münaqişənin həlli üçün tərəfləri danışıqlara çağırıb.
Xarici işlər naziri Ukrayna ilə həmrəyliyini ifadə edərək, Macarıstanın Ukraynanın suverenliyini və ərazi bütövlüyünü dəstəklədiyini bəyan edib.
