Elchi.az “TMZ” xəbər təşkilatına istinadən xəbər verir ki, bir müddət əvvəl bakterial infeksiyadan müalicə olunaraq xəstəxanadan buraxılan məşhur amerikalı müğənni Madonna özünü hələ də pis hiss edir.
Müğənni həftəsonu xəstəxanaya yerləşdirilib. Menecerinin sözlərinə görə, o, bir neçə gün reanimasiyada yatmalı olub. İyunun 28-i axşam o, Nyu-Yorkdakı mənzilinə qayıdıb.
Nəşrin yazdığına görə, Madonna evə buraxıldıqdan sonra davamlı qusmağa başlayıb, o, hələ də infeksiyadan əziyyət çəkir. Vəziyyət o qədər pisdir ki, ifaçı yataqdan qalxa bilmir.
Eyni zamanda xəstəxanaya yerləşdirilən Madonnanın vəziyyəti o qədər ağır idi ki, yaxınları ən pis vəziyyətə hazırlaşırdılar. Onun ağır vəziyyətini 12 saatlıq məşqlə əlaqələndiriblər. Müğənni qastrol səfərinə hazırlaşırdı ki, bu da indi şübhə altındadır. Menecer Guy Ozry iyulun 15-nə planlaşdırılan ilk şounun daha sonrakı tarixə keçirilməsi variantlarını araşdırır.
Madonna bir aydan çox idi ki, xəstəxanaya yerləşdirilənə qədər qızdırma ilə mübarizə aparırdı və bunu hamıdan gizli saxlayırdı. O, həkimə müraciət etsə, bunun hazırlaşmaq üçün çox çalışdığı tura təhlükə yaradacağından qorxurdu.
Nuranə Məmmədova
